«Алматы-Петропавл» бағытындағы пойыз шұғыл тоқтауға мәжбүр болды
Бұл туралы «Жолаушылар тасымалы» АҚ баспасөз қызметі мәлімдеді
Бүгін техникалық себептерге байланысты «Астана-Петропавл» учаскесінде №105 «Алматы-Петропавл» пойызы жөнелтілмейді, деп хабарлайды El.kz «Жолаушылар тасымалы» АҚ баспасөз қызметіне сілтеме жасап.
2022 жылдың 21 қыркүйегінде сағат 04.27-де «Алматы-Петропавл» бағытындағы №105 жолаушылар пойызы «Қарағанды-Астана» учаскесінде шұғыл тоқтаған, техникалық вагонның ақауына байланысты аялдауға мәжбүр болған.
Пойыздағы адамдардың сыйымдылығы - 53%. Қаза болғандар мен зардап шеккендер жоқ.
«Жолаушылар тасымалы» АҚ жол жүру құжаттарына сәйкес жолаушыларды межелі орындарына жеткізуді ұйымдастыру мәселелерімен айналысып жатыр.
«Алматы-2-Нұр-Сұлтан» бағытындағы №3 пойызға Нұр-Сұлтан Нұрлы жол станциясына дейін, одан әрі Петропавл станциясына дейін жолаушыларды ауыстырып отырғызу жоспарлануда.
Тергеу жүргізу үшін «ҚТЖ» ҰК» АҚ комиссиясы құрылды.
Қысқа да нұсқа. Жазылыңыз telegram - ға