Алматы облысында интернетте алаяқтық жасаған 32 адам ұсталды
Биыл Алматы облысында интернет арқылы алаяқтық жасаған 32 адам ұсталды, деп хабарлайды El.kz ақпарат агенттігі.
Алматы облысының полицейлері интернет-алаяқтықтың алдын алуға және азайту мақсатында барлық қажетті іс-шараларды жүргізуде. Жыл басынан бері 32 алаяқ ұсталды.
Жыл басынан бері облыста 747 интернет-алаяқтық фактісі тіркелді. Қазір зардап шеккендерге 16 миллион теңгеге жуық өтемақы төленді. Әрине, бұл шамалы сома, бірақ құқық қорғау органдары халық арасында ауқымды профилактикалық жұмысты жалғастыруда. Жыл басынан бері интернет-алаяқтық жасағаны үшін полиция қызметкерлерімен 32 адам ұсталды, – деп атап өтті облыстық криминалдық полиция басқармасының орынбасары Нұржан Кеңесханұлы.
Киберқылмыспен күресу мақсатында облыс полицейлері тұрақты түрде үгіт-насихат және профилактикалық іс-шаралар өткізіп, тұрғындарға интернет алаяқтарының құрбаны болмау жолдары түсіндірілуде. Тек жыл басынан бері тәртіп сақшылары облыс тұрғындары арасында 37 шара өткізіп, 15 мыңнан астам кітапшалар мен тақырыптық буклеттер таратты. Қоғамдық орындарда 15 билборд пен 13 LED экран орнатылған. Сонымен қатар, барлық жерде дыбыс зорайтқыш құрылғылар арқылы сақтық шаралары туралы мәтіндер таратылады. Кездесу барысында еліміздің жетекші банктерінің өкілдерімен жұмыс кездесуі басталып, интернет-алаяқтықпен күресу мәселелері талқыланды.
Бұл тұрғыда көп нәрсе азаматтардың өзіне байланысты, барлығын қырағылық танытып, алаяқтардың айла-амалына түспеулерін сұраймыз. Банктік шоттарыңызға қатысты қылмыстық әрекеттер туралы хабардар болсаңыз, эмоцияға берілмеңіз, банктің ресми телефон нөміріне қоңырау шалу арқылы ақпаратты тексеріп, филиалға жеке келіңіз. Сізге полиция қызметкерлерінен, сот орындаушыларынан немесе басқа лауазымды тұлғалардан сізге қойылған шектеулер туралы немесе жазатайым оқиғаға сіздің туыстарыңыз кінәлі деген хабарлама келіп түскен жағдайда, жоғарыда айтылған істерді орындаңыз. Ресми арналар арқылы сізден ақша төлеуге немесе қандай да бір қаржылық операцияларды жүзеге асыруға қажетті ақпаратты тексеруді ұмытпаңыз. Бұл күмәнді шешудің және алаяқтардың желісінен аулақ болудың ең сенімді жолы, – деп қосты Нұржан Кеңесханұлы.
Қысқа да нұсқа. Жазылыңыз telegram - ға