Жаңалықтар

Алматы метросындағы оқиға: Желіде жігіттің рельске құлаған сәтінің видеосы тарады

Фото: коллаж El.kz

Фото: коллаж El.kz 12.12.2024 18:04 161

Әлеуметтік желілерде Алматы метросында көзі көрмейтін жігіттің рельске құлаған сәтінің видеосы тарады, деп хабарлайды El.kz ақпарат агенттігі.

Қайғылы оқиға 10 желтоқсан күні "Абай" станциясында болған еді.

Бейнежазбада көру қабілеті нашар жас жігіттің вагон есігінің орналасқан жерін анықтау үшін алдындағы кеңістікті таяқпен түртіп көріп жатқанын аңғаруға болады. Вагондар арасындағы бос кеңістікті метро есігі деп ойлап қалған жігіт алға қадам басып, рельске құлайды. Оған басында қыз көмектеспек болады. Алайда, кезекшіге алаңдаймын деп, жігіттің құлап кеткенін байқамай қалады.