Алғашқы және соңғы қоңырауды алып тастау керек пе? Аймағамбетов пікір білдірді
Бүгін Үкімет үйінде президент Қасым-Жомарт Тоқаевтың Қазақстан халқына жолдауы өтіп жатыр. Жолдау алдында кулуарда журналистер Мәжіліс депутаты Асхат Аймағамбетовтен еліміздегі білім ордаларынан алғашқы және соңғы қоңырау кешін алып тастау жөніндегі пікірін сұрады, деп хабарлайды El.kz ақпарат агенттігі.
БАҚ өкілі депутатқа соңғы кезде желіде мұндай тараптағы пікірлерді жиі кездестіруге болатынын жеткізді.
Ондай пікірлерді естідім, оқыдым. Дегенмен министрліктің мәселесіне қосымша жауап бергенім дұрыс болмас. Осы салада жұмыс істедім. Сол уақытта бұл жағдайға қатысты жауап бердім. Ал қазір әріптестеріміздің жұмысына кедергі келтірмей-ақ қояйын. Бұл этикаға сәйкес болмайды. Бұл жағдайға байланысты министрліктің өзінің құзыреті бар. Олар шешім қабылдап, халыққа өздері жауабын жеткізеді, - деп түсіндірді Асхат Аймағамбетов.
Қысқа да нұсқа. Жазылыңыз telegram - ға