АҚШ-та өтіп жатқан US Open турнирінде қазақстандық теннисші Александр Бублик жарыс жолын аяқтады. Ол алғаш рет жарыстың төртінші айналымына дейін жеткен болатын, деп хабарлайды El.kz интернет порталы.

1/8 финалда Бублик әлемнің бірінші ракеткасы, италиялық Янник Синнермен күш сынасты. Өкінішке қарай, қазақстандық теннисші қарсыласына есе жіберді. Кездесу есебі - 1:6, 1:6, 1:6.

Соған қарамастан, Нью-Йорктегі бұл көрсеткіш – Бублик үшін үлкен жетістік. Бұған дейін ол «Үлкен дулыға» турнирлерінде үшінші айналымнан әрі аса алмаған. Осы нәтижесінің арқасында дүйсенбіден бастап Александр әлемдік рейтингте 19-орынға көтеріледі.

Әйелдер арасында Қазақстанның соңғы өкілі Анна Данилина да жарыстан шығып қалды. Ол сербиялық Александра Круничпен бірге жұптық сында өнер көрсетіп, америкалық Эйа Мухаммад пен нидерландтық Деми Шурс дуэтіне қарсы тартысты матчта жеңіліп қалды ­- 2:6, 6:4, 4:6.

Енді Александр Бублик Кореяға аттанып, Дэвис кубогы аясында Қазақстан құрамасының сапында алаң иелерімен болатын маңызды кездесуге қатысады.

Қысқа да нұсқа. Жазылыңыз telegram - ға

Оқи отырыңыз

Спорт

Бір отбасынан шығып, 2026 жылғы Олимпиадада чемпион атанған спортшылар

Спорт

Ақ Олимпиада: Қазақстанның шынайы мүмкіндігі қандай?

Спорт

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады

27 Қаңтар, 09:09 Құранды білетін қазақ жастарының Қара сөздерді оқымағанын естіп таңғалдым – чехиялық ІТ маманы

11 Қараша 2025, 18:13 «Шедевр»: Игорь Крутой тағы бір қазақстандық өнерпазға арнап ән жазды

6 Қараша 2025, 17:09 Күздің соңғы премьералары: қарашада қандай фильмдерге баруға болады