Алакөл көлінде жасөспірім құтқарылды

Алакөл ауданының Ақши ауылында «Калипсо» демалыс аймағының жанындағы Алакөл көлінде патрульдеу кезінде, өз күштерін есептемей, қалқымалардан асып жүзіп кеткен бала құтқарылды, деп хабарлайды El.kz ақпарат агенттігі. 

Құтқарушылардың қабылданған шараларымен жасөспірім жағаға аман-есен жеткізілді. Медициналық көмек қажет емес еді.

​Жетісу облысы ТЖД судағы қауіпсіздік ережелерін сақтау қажеттігін еске салады:

​- тыйым салынған жерлерде шомылуға болмайды;
​- жүзу шекараларын белгілейтін қалтқылардың артында жүзбеңіз;
​- тексерілмеген және жабдықталмаған жерлерде сүңгуге болмайды;
​- егер сіз балалармен бірге тоғанда болсаңыз, оларды қараусыз қалдырмаңыз;
​- балаларға ересектерсіз суға кіруге рұқсат бермеңіз;
​- суға түспеңіз және қараңғы уақытта шомылмаңыз;
​- суға алкогольдік немесе есірткілік мас күйінде кірмеңіз.

Қысқа да нұсқа. Жазылыңыз telegram - ға