Жазда су балансын сақтау ерекше маңызды. Белгілі болғандай, кейбір жемістер мен жидектер бұл міндетті қарапайым судан да жақсы атқара алады. Бұл туралы Championat.com сайтына сілтеме жасай отырып El.kz интернет порталы хабарлайды.
Дипломды диетолог Джонатан Пертелл қандай өнімдер ағзаны сусызданудан ғана емес, сонымен қатар дәрумендермен, минералдармен және талшықпен байытатынын айтты.
Ылғалдандыратын жеміс-жидектердің ТОП-10 тізімі:
Қияр (96% су) - К дәруменіне, калийге және антиоксиданттарға бай.
Қызанақ (94%) - құрамында ликопин, магний және А мен С дәрумендері бар.
Қарбыз (92%) - ликопин мен қан айналымын жақсартатын цитруллинді қамтиды.
Құлпынай (92%) - гликемиялық индексі төмен, С дәрумені көп.
Грейпфрут (90%) - С дәруменінің көзі, бірақ дәрілермен әрекеттесуі мүмкін.
Қауын (90%) - бета-каротин мен талшыққа бай.
Шабдалы (88%) - құрамында А, С дәрумендері мен калий бар.
Мүкжидек (87%) - зәр шығару жолдары инфекциясының алдын алуға көмектеседі.
Ананас (87%) - ас қорытуға ықпал ететін бромелайнды қамтиды.
Таңқурай (87%) - антиоксиданттар мен С дәруменіне бай.
Диетологтың айтуынша, бұл өнімдер ағзадағы сұйықтықтың орнын толтырып қана қоймай, электролиттер мен пайдалы заттармен қамтамасыз етеді. Бұл әсіресе аптап ыстықта өте маңызды.
Қысқа да нұсқа. Жазылыңыз telegram - ға
Оқи отырыңыз 
