АЭС салуға қазақстандықтардың көзқарасы қандай?

Бүгінде энергетика саласының сарапшылары болашақта энергия тапшылығын болдырмас үшін қазірден бастап қамдану қажет екенін баса айтады. Мемлекет басшысы Egemen Qazaqstan газетіне берген сұхбатында атом электр стансасының құрылысы біздің экономикамыздың болашағы мен оның энергетикалық қауіпсіздігі үшін маңызды мәселе екенін айтып, құрылыс мәселесі бойынша тиісті қоғамдық тыңдаулар өткізілетінін жеткізген. Осы ретте елімізде АЭС салу жалпыхалықтық референдум арқылы шешіледі. El.kz ақпарат агенттігі тілшісі Елорда тұрғындарынан референдумнан бұрын АЭС салуға деген көзқарастарын сұрап білді.