Адам құқықтарының өзектілігі артып келеді – Артур Ластаев
Адам құқықтары жөніндегі уәкіл Артур Ластаев «Адам құқықтарын қамтамасыз ететін халықаралық құқықтық нормаларды ұлттық заңнамаға имплементациялау» халықаралық конференциясы қатысып, арнайы сөз сөйледі, деп хабарлайды El.kz ақпарат агенттігі.
Ластаевтың сөзіне қарағанда, бұл кездесу адам құқықтарының жалпыға бірдей декларациясының 75 жылдығы қарсаңында адам құқықтары мен бостандықтарын көтермелеудің маңыздылығын атап өтуге мүмкіндік береді.
Жақында адамның негізгі құқықтарына, соның ішінде оның өмір сүру және қауіпсіздік құқығына әсер еткен күрделі трансформациялық процестер байқалды. Дүниежүзілік саясаттың күн тәртібінде адам құқықтарының өзектілігі артып келеді деп айтуға болады. Осының аясында БҰҰ бастамаларын қолдай отырып, ұлттық құқықтық жүйедегі өзгерістер, адамның, оның өмірінің, құқықтары мен бостандықтарының жалпыға ортақ құндылықтарын қорғау мен қолдауды нығайту мақсатында заңнаманы және оны қолдану практикасын бейімдеу туралы пікірталас өтті, - деді ол.
Сонымен қатар Адам құқықтары жөніндегі уәкіл бұл кездесудің депутаттардың, мемлекеттік органдар басшыларының, омбудсмендердің, қоғам қайраткерлері мен сарапшылардың конференция жұмысына қатысуымен атап өтілетін өзара іс-қимылды нығайту және одан әрі күш-жігерді шоғырландыру үшін платформа екендігін де тілге тиек етті.
Адам құқықтары жөніндегі уәкіл кеңсесінің болашағын нақтылау және одан әрі дамыту бойынша жұмыс жалғасады. Бұл жұмыс жалпы қоғам тарапынан да, әрбір жеке адамның да құқықтардың қорғалуын қабылдауын «пульсте ұстап тұратын» азаматтық қоғам белсенділерімен және құқық қорғаушылармен тығыз ынтымақтастықта құрылатын болады, - деді Ластаев.
Ластаев Ұлттық құқық қорғау мекемесінің қызметіне де тоқталды.
2002 жылдың қыркүйегінде құрылғаннан бері 20 жыл ішінде болмаған шаралар соңғы уақытта қабылданды. Негізгі жетістіктердің бірі нақты іс-әрекетке және азаматтық қоғаммен сындарлы диалогқа көшу болып табылады. Бұл адам құқықтары жөніндегі уәкіл жанындағы Сараптамалық кеңестің жұмысы қайта форматталған Ұлттық алдын алу тетігі мен Үйлестіру кеңесінің дәйекті жұмысының арқасында мүмкін болды, - дейді ол.
Бұдан басқа, мемлекет басшысының тікелей қолдауымен омбудсменнің қатысуы және оның өкілдерінің барлық өңірлерде адам құқықтарына қатысты мемлекеттік шешімдер қабылдау үдерістеріне қатысуы кеңейтіліп жатқаны сөз болды.
Мысалы, Парламентте Адам құқықтары жөніндегі ұлттық орталықты ресурстық нығайту жөніндегі ұсыныстар қолдау тапты, - деді Ластаев.
Спикердің сөзіне қарағанда, тиісті тұжырымдамалық құжатты қабылдау Конституциялық заңмен уәкіл институтына жүктелген миссияны іске асыру бойынша жауапкершілікті арттырудың және ашық жұмысты ұйымдастырудың тағы бір маңызды тетігі болар еді.
Қысқа да нұсқа. Жазылыңыз telegram - ға