Адам құқықтары жөніндегі уәкілге биыл 4 мыңнан астам арыз жазылған
Адам құқықтары жөніндегі уәкіл мен оның өкілдері азаматтармен тұрақты түрде жеке қабылдаулар өткізеді, онда өтініш берушілер түсіндірмелер мен заңгерлік кеңестер ала алады, деп хабарлайды El.kz ақпарат агенттігі.
Мәселен, 2023 жылы 224 жеке қабылдау өткізіліп, оның ішінде 94 өтініш берушімен Артур Ластаев жеке сұхбаттасты. 2024 жылдың 8 айында Омбудсмен 63 адамды қабылдады.
Айта кету керек, Уәкіл қылмыстық-атқару жүйесі мекемелеріне бару кезінде сотталғандарды да жеке-жеке қабылдайды. Уәкіл жыл басынан бері Қазақстанның 5 облысындағы 7 мекемені аралады.
Өтініш берушілерге өздерін қорғау үшін қолдануға болатын заң жолдары мен құралдары туралы кеңес беріледі. Нәтижелер бойынша Омбудсмен мән-жайларды тексеру үшін құзыретті органдарға хаттар жібере алады.
Адам құқықтары жөніндегі уәкілдің кеңсесі барлық өтініштерді қарауға баса назар аударады. Көбінесе арызданушылар тергеу органдарының әрекеттері мен бейжайлығына, сот актілерімен келіспеушіліктеріне, сотталғандардың құқықтарының бұзылуына шағымданады. Сонымен қатар, әлеуметтік қамсыздандыру мәселелері, денсаулық және еңбек құқықтарының бұзылуы, мүгедектердің құқықтарының бұзылуы және т.б. мәселелер бар.
Айтпақшы, өткен жылы Уәкіл мен оның өкілдеріне 5,8 мыңға жуық шағым түссе, биылғы 7 айда 4 мыңнан астам арыз жазылған.
Азаптаулар немесе басқа да қатыгез, ар-намысты қорлайтын әрекеттер туралы хабарламалар түскен кезде мекемелерге дереу бару, оның ішінде өңірлік өкілдер немесе Ұлттық алдын алу тетігі қатысушылары ұйымдастырылады және жүзеге асырылады. Шағымдардың өзі мазмұнына қарай мән-жайларды тексеру үшін дереу прокуратураға жіберіледі.
Қысқа да нұсқа. Жазылыңыз telegram - ға