Абай облысында жаңа әлеуметтік жоба басталды
EL.KZ Информационно-познавательный портал
Абай облысында желтоқсан айынан «Tabysty otbasy» әлеуметтік жобасы басталды, деп хабарлайды El.kz облыс әкімдігіне сілтеме жасап.
«Отбасы» әлеуметтік-мәдени қоры тұрмысы төмен және көпбалалы отбасылардың мүшелерін, мүмкіндігі шектеулі балаларды тәрбиелеп отырған отбасыларды, балаларын жалғыз тәрбиелеп отырған ата-аналарды және халықтың әлеуметтік осал топтары санатындағы 29 жасқа дейінгі жас азаматтарды оқытуға және жұмысқа орналастыруға жағдай жасауға бағытталған бағдарламаны іске асырмақ. Негізгі мақсат – табысты ұлғайтуға жәрдемдесу, жобаға қатысушылардың санасын өзгерту, өмір сүру деңгейі мен сапасын арттыру, – делінген хабарламада.
Жобаның бірегейлігі – әр жоба қатысушысына жеке даму картасын құру және қолма-қол ақша бермей өз ісін ашуға мүмкіндік беру. Оқыту бес бағытты қамтыған. Атап айтқанда сұлулық саласы, әлеуметтік желілерді сүйемелдеу, тігінші, автодәнекерлеуші және кондитер дайындау бойынша жүргізіледі.
Қысқа да нұсқа. Жазылыңыз telegram - ға
Оқи отырыңыз 
