Абай облысында екі шопан құтқарылды
![Абай облысында екі шопан құтқарылды Абай облысында екі шопан құтқарылды](/storage/storage/element/2024/04/01/mainphoto/96416/1200xauto_tzEQ9amc6UxCQL8Ct7LYCT1I3CWx6Uqz6Zl7U0GJ.jpg)
Абай облысында мал іздеуге кетіп, су деңгейінің көтерілуіне байланысты өз бетінше орала алмаған шопандар іздестірілді, деп хабарлайды El.kz ақпарат агенттігі.
ТЖМ мәліметінше, 31 наурыз күні сағат 17:30-дан бастап Абай облысының Көкпекті ауданында 1985 және 1990 жылдары туған екі шопанды Қорғаныс министрлігінің МИ-17 тікұшағының көмегімен іздестіру-құтқару жұмыстары жүргізілді.
Шопандардың айтуынша, олар малды айдауға шыққан, бірақ Көкпекті өзеніндегі су деңгейінің көтерілуіне байланысты қыстаққа өз бетінше орала алмаған.
Құтқарушылардың қабылдаған шараларымен 39 жастағы ер адам «Тассай-Көкпекті» автожолының көпірінен табылды, оны қайықтың көмегімен жағаға жеткізді. 33 жастағы екінші адам таңертең Көкпекті өзенінің маңындағы аралдан табылды. Ол Ми-17 тікұшағының көмегімен жағаға жеткізілді, - делінген мәліметте.
Құтқарылғандарға медициналық көмек қажет болған жоқ.
![Telegram](https://el.kz/static/site/images/tel26.png)