Ақтауда пара алды деген күдікпен кеден бекеті басшысының орынбасары ұсталды

ҚР Сыбайлас жемқорлыққа қарсы іс-қимыл агенттігінің департаменті бірнеше лауазымды тұлғаға қатысты іс жүргізіп жатыр.

Сотқа дейінгі тергеу ҚР Қылмыстық кодекстің 366-бабы - "Адамдар тобының алдын ала сөз байласуы арқылы бірнеше мәрте пара алуы" бойынша қолға алынды.

Бұл арада қандай сома туралы айтылып отырғаны белгісіз. Басты күдікті екі айға қамауға алынды.

"Тергеу барысында кеден бекеті басшысының орынбасары әшкереленді. 10 қыркүйекте сот оған қатысты күзетпен ұстау түріндегі бұлтартпау шарасына санкция берді. Қазіргі уақытта тергеу органы қажетті және жеткілікті мән-жайларды жан-жақты, толық және объективті зерттеу үшін талап етілетін тергеу әрекеттерін жүргізуде", - дейді Маңғыстау облысы прокуратурасының аға прокуроры Әсет Бекқайыров

Қысқа да нұсқа. Жазылыңыз telegram - ға