90-жылдары танымал қылмыстық топ құрамында болған қаскөй ұсталды - полиция
Ақмола облысының полицейлері 90-жылдардағы қылмыстық топтың соңғы қатысушысын 26 жылдан кейін ұстады, деп хабарлайды El.kz ақпарат агенттігі.
Банда мүшелерінің есебінде төрт адам өлтіру, жүргізушілерге жасалған тонау шабуылдары, экономикалық контрабанда және билік өкілінің немесе лауазымды тұлғаның атағын өз бетінше тағайындау фактілері бар. Алты адамнан тұратын топ өзінің қылмыстарын 26 жыл бұрын жасай бастады.
1998 жылдан бастап милиция қызметкерлерінің нысанды киім-кешектерін киіп алып, автоматты атыс қаруымен қаруланған қылмыскерлер қала сыртындағы автожолдарда жезлдің көмегімен автокөліктерді иемдену мақсатында тоқтатып, жүргізушілер мен олардың жолаушыларын атып тастайтын. Денелерді орман алқаптарына көму арқылы жойып, ал автокөліктерді заңсыз сатқан, - делінген мәліметте.
1999 жылы банданың төрт мүшесін полиция қызметкерлері ұстады. Кейіннен сот үкімімен олардың екеуі өлім жазасына, екеуі ұзақ уақытқа бас бостандығынан айырылды
Топтың бір мүшесі құжаттарды, тегін, атын, әкесінің атын және туған жылын заңсыз өзгерткен, сыртқы түрін өзгерткен және 26 жыл бойы құқық қорғау органдарынан жасырынып жүрген, - деп хабарлайды полициядағылар.
27 қаңтарда жедел-іздестіру іс-шаралары мен ұзақ әзірлемелердің нәтижесінде топтың соңғы қатысушысы Көкшетауда ұсталды. Қазіргі уақытта қажетті тергеу рәсімдері жүргізіліп жатыр.
Қысқа да нұсқа. Жазылыңыз telegram - ға