37 млн теңгеден астам қаржы ұрлаған Қазпоштаның екі қызметкері 7 жылға сотталды
Агенттіктің баспасөз қызметі таратқан деректерге қарағанда, ұрланған қаржының жалпы сомасы 37 миллион теңгеден асады
Фото: El.kz
Фото: El.kz
25.08.2022 17:00
1097
Қаржылық мониторинг агенттігінің БҚО бойынша департаменті «Қазпочта» АҚ пошта бөлімшесінің екі қызметкері ЖШС-лардың бірінің шотына өткізілген ақшаны 4 жыл бойы ұрлап келгенін анықтады, деп хабарлайды El.kz.
Агенттіктің баспасөз қызметі таратқан деректерге қарағанда, ұрланған қаржының жалпы сомасы 37 миллион теңгеден асады.
Сонымен қатар, олар 2013-2020 жылдар ішінде құжаттарды қолдан жасау арқылы зейнеткердің 1,2 млн. теңгедан астам қаражатын иемденіп алған.
«Операторлар 7 жылға бас бостандығынан айырылды. Оларға қаржылық және мемлекеттік ұйымдарда материалдық жауапты қызметтерді атқаруға өмір бойына тыйым салынады»,-делінген хабарламада.
Бөлісу:
Қысқа да нұсқа. Жазылыңыз telegram - ға