3,2 млрд: Ұлытауда Telegram есірткі сатқандар анықталды
Ұлытау облысының арнайы прокурорлары «Kaef Mafia» Telegram-дүкенінің қызметін талдау нәтижелері бойынша Республиканың аумағында синтетикалық есірткі заттарын байланыссыз тәсілмен өткізуді жүзеге асырған оның ұйымдастырушыларына қатысты сотқа дейінгі тергеуді бастады, деп хабарлайды El.kz интернет порталы.
Прокуратура мәліметінше, қылмыстық схема «байланыссыз байланыс» қағидаты бойынша ұйымдастырылып, «дропперлердің» банктік карталары арқылы жүзеге асырылған.
Тергеу барысында есірткі заттарына төлем қабылдау үшін қолданылған 200-ден астам «дропперлік» карта, сондай-ақ қылмыстық схеманы үйлестірген 4 Ресей мен Украина азаматтары анықталды. Күдіктілердің үшеуі қамауға алынып, төртеуіне іздеу жарияланды. Олардың қатарында қаражатты шетелге криптовалютаға шығарып отырған тұлға да бар, - делінген мәліметте.
Қазіргі уақытта екі «есірткіні жасырын қойып таратушыға» қатысты тергеу аяқталып, қылмыстық іс сотқа жолданды.
Қаржылық мониторинг агенттігімен бірлесіп, заңсыз есірткі айналымынан түскен 3,2 млрд теңге көлеміндегі активтер тәркіленіп, сот шешімімен мемлекет кірісіне өткізілді.
Қалған қатысушыларға қатысты тергеу жалғасуда.
Қысқа да нұсқа. Жазылыңыз telegram - ға
Оқи отырыңыз 
