29 жастағы боксшы жекпе-жектен кейін қайтыс болды
Фото: ©pixabay.com
Фото: ©pixabay.com
14.05.2024 09:56
1065
Британиялық боксшы Шериф Лаваль 12 мамырда кәсіпқой рингтегі алғашқы жекпе-жегінен кейін қайтыс болды, деп хабарлайды El.kz ақпарат агенттігі.
Ол отандасы Малам Варелаға қарсы жұдырықтасқан еді. Төртінші раундта Лаваль самайдан соққы алып, есінен танып қалды. Төреші Ли Эвери нокдаун жариялау үшін санай бастағанмен, жекпе-жекті тоқтату керек деп шешті.
Дәрігерлер дефибрилляторды қолданар алдында спортшыға 10-15 минут ішінде алғашқы медициналық көмек көрсеткен. Ауруханаға жедел жеткізілгенмен, есін жимастан боксшы көз жұмды. Осы оқиғадан кейін бокс кеші тоқтатылды.
Шериф Лаваль 2018 жылдан бері бокспен айналысқан екен.
Бөлісу:
Қысқа да нұсқа. Жазылыңыз telegram - ға
Келесі жаңалық
Шахмат олимпиадасында ел намысын кімдер қорғайды