25 қазан күні халықты митингке шақырғандар жазаланады – вице-министр
Ішкі істер вице-министрі Игорь Лепеха желіде 25 қазан күні халықты митингке шақырғандарға жаза қолданылатынын айтты, деп хабарлайды El.kz ақпарат агенттігі.
Үкіметтің баспасөз отырысында БАҚ өкілдері вице-министрге «желіде форма киген қызметкерлердің белгісіз бір бағытқа кетіп бара жатқан видеосы тарады. Жалпы, бұл желідегі 25 қазан күні митинг болады деген ақпаратқа дайындық па?» деп сұрақ қойды.
25 қазан – мемлекеттік мереке. Әрине, біз оған дайындаламыз. Ол күні біз күшейтілген режимде жұмыс істейміз. Қазір әкімдіктен мерекелік іс-шаралардың кестесін сұратып жатырмыз. Соған сәйкес ол жерлерде күзетшілердің санын да арттырамыз. 25 қазандағы үндеулерге (митингтерге – ред.) келетін болсақ, ҚДТ (Қазақстанның демократиялық таңдауы) мүшелерінің үндеулері бар, бұл біздің еліміздегі экстремистік ұйым және біз оларға ешқандай митинг өткізуге рұқсат бермейміз. Өтініш берген басқа азаматтарды жергілікті құқық қорғау органдары қарайды, бізде хабарлау тәртібі бар. Рұқсат етілгенді қорғаймыз, тыйым салынғанға, әрине, оның алдын алу шараларын қолданамыз. Түрлі митингке шақыруларға келетін болсақ, егер бұл қоңыраулар кез келген өшпенділік тудыратын белгілерді көрсетсе, біз оларға жауап береміз. Бұл үндеулер қоғамдық тәртіпті, Конституцияны бұзу туралы болса, біз де бұл үндеулерге жауап береміз, - деді вице-министр.
Қысқа да нұсқа. Жазылыңыз telegram - ға