23 тамызға арналған ауа райы болжамы
Батыс Қазақстан облысының оңтүстік-батысында шығыстан, солтүстік-шығыстан жел соғады, екпіні - 15-20 м/с.
Қазгидромет 23 тамызға арналған ауа райы болжамын жариялады, деп хабарлайды EL.KZ.
Ақмола облысының солтүстігінде, шығысында түнде және таңертең тұман күтіледі, солтүстік-батысында түнде топырақ бетінде 2 градус үсік жүреді.
Атырау облысының батысында, шығысында, орталығында солтүстік-шығыс, шығыстан жел соғады, екпіні - 15-20 м/с. Күндіз 35 градус қатты ыстық күтіледі. Облыстың шығысында төтенше өрт қаупі бар.
Батыс Қазақстан облысының оңтүстік-батысында шығыстан, солтүстік-шығыстан жел соғады, екпіні - 15-20 м/с.
Қызылорда облысының орталығында жел солтүстіктен, солтүстік-шығыстан соғады, күндіз күші 15-20 м/с күтіледі. Облыстың басым бөлігінде төтенше өрт қаупі сақталады.
Ақтөбе облысының да орталығында, шығысында солтүстік-шығыстан, солтүстіктен жел соғады, екпіні - 15 м/с.
Шығыс Қазақстан облысының шығысында жер бетінде үсік 2 градус сақталады.
Қостанай облысының солтүстігінде, шығысында найзағай ойнайды. Түнде және таңертең облыстың солтүстігінде тұман түседі. Солтүстіктен, солтүстік-шығыстан жел соғады, күші - 15-20 м/с.
Жетісу облысының солтүстік-шығысында солтүстік-шығыстан жел соғады, күші - 15-20, екпіні - 25 м/с.
Павлодар облысының солтүстігінде, шығысыңда түнде және таңертең тұман күтіледі.
Солтүстік Қазақстанда да сондай ауа райы, облысының батысында, солтүстігінде тұман күтіледі.
Түркістан облысының солтүстігінде, таулы аудандарында солтүстік-шығыстан жел соғады, күші - 15-20, екпіні - 23 м/с. Облыстың оңтүстігінде, шығысында төтенше өрт қауіпі сақталады.
Жамбыл облысының таулы аудандарда найзағай түседі. Солтүстік-шығыстан жел соғады.
Қысқа да нұсқа. Жазылыңыз telegram - ға