Жаңалықтар

Елена Мащинская: Табыс жолымды Елбасының батасымен бастадым...

Елена Мащинская: Табыс жолымды Елбасының батасымен бастадым...
01.12.2019 00:00 1909

Елена Мащинская, «Дастархан» ЖШС директоры:

- Мен өзімнің табыс жолымды Елбасының батасымен бастадым. Мемлекет басшысы жұмыс сапарымен Ақмола облысына келгенде, маған оның алдында сөз сөйлеу бақыты бұйырды. Елбасына Қазақстанның ұлттық аспаздар ассоциациясы қазақтың ұлттық асханасынан шетелдіктерге халықаралық чемпионаттарда дәм татқызып жүргені туралы айтып бердім. Ол таң қалды. Шетелдіктер біздің бещбармақты жақсы көреді дедім. Кейде меннен «Сен чувашсың ғой, бірақ қазақтың ұлттық асханасын дәріптеп жүрсің. Өзіңнің тарихи отаныңа қайтатын уақыт келген жоқ па?» деп сұрайды. Жоқ, мен Қазақстанымнан ешқайда кетпеймін. Қазақстанда менің балаларым, немерелерім дүниеге келді. Президент бізге «Халықты тыңдаңдар, көмектесіңдер» деді. Біз солай жасадық. Мәслихатқа бардық, бірінші қалалық, кейін облыстық мәслихаттың депутаты болдым. Содан елге пайдам тиер тағы қандай іспен айналысамын деп ойладым. Осылайша Елбасының өзі құрған достық шаңырағы Ассамблеяға келдім, барлық чуваш ұлтының өкілдерін осында жинадым. 2014 жылы Президент Көкшетау қаласына келіп, Достық үйін ашты. Мен тағы да оның алдында сөз сөйледім. Бұл мен үшін үлкен бақыт болатын. Мен өзімнің осы іске қатысты екенімді, Қазақстанды сырт елдерде лайықты таныстыра алатынымды мақтаныш тұтамын.

Бөлісу:


Telegram Қысқа да нұсқа. Жазылыңыз telegram - ға