Шығыс самсасы

Қатпарлы самса пісіріп үйренейік

Ингредиенттер:

400-450 г ұн

200 г май (бөлме температурасында еруі тиіс)

1 жұмыртқаның сары уызы

Тұз

2-3 ас қасық су

Ұнға май мен жұмыртқаны, тұзды қосып, жақсылап араластырамыз. Қажетіне қарай су қосып, қамыр илейміз. Дайын қамырды пленкаға орап, тоңазытқышқа 1 сағат қоямыз. Келесі кезекте қамырды бірнеше бөлшекке бөліп, жаямыз. Арасына қалауыңызға қарай тартылған ет немесе тартылған тауық еті, сыр салып пісіреміз.

Пешті 200 градусқа қыздырып, 30-35 минут қызарғанша пісіреміз.

Қатпарлы самсаның екінші түрі

Ингредиенттер:

400-450 г ұн

Су

Тұз

Иә жаңылысқан жоқсыз. Ұнға тұз сеуіп, су құып қамыр илейміз. Қамырдың иі қанып, арасы жылдам бірігу үшін асықпай ұзақ илейміз.

Қамырдың бетін жауып, 1 сағатқа қалдырамыз. Келесі қадам – қамырды барынша жұқа етіп жаямыз. Жайылған қамырға ерітілген сары май жағып, ораймыз. Оралған қамырды сәл созғылап, ширатамыз. Пленкаға орап, мұздатқышқа 4 сағатқа қоямыз. Уақыты келгенде қамырымызды мұздатқыштан шығарып, сәл тобарсып, жұмсарғанын күтеміз. Жаюға келетіндей жұмсарған кезде бірдей бөлшектерге бөліп, алақанымызбен басамыз. Мүмкіндігінше ұн сеппей жаюға тырысыңыз, сонда қатпарлы қамырдың формасы сақталып, түрі әдемі болып шығады. Ортасына қалауыңызға қарай тартылған ет пен пияз қосып, ыстық пешке пісіреміз.

Бетіне жұмыртқаның сары уызын жағып, кунжут себуді ұмытпаңыз.

Ас болсын!

#самса #рецепт #дастарқан
Материал автордың рұқсатымен жарияланды

Материалды көшіріп жариялау үшін редакцияның немесе автордың жазбаша, ауызша рұқсаты қажет және El.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады

Біздің Telegram каналымызға жазылыңыздар!

Комменттер

comments powered by HyperComments

Ұқсас материалдар

Әріптестер