Дәурен Әлтаев: Әрқашан алғы сапта жүру біздің міндет

100 есім жобасының жеңімпазы ерлік, абырой және міндет туралы

Бала кезде ғарышқа ұшу, əлемді құтқару, полиция болу керемет асқақ армандар еді ғой. Көп бала армандайтын. Бірақ арманын жүзеге асырғандар көп емес. Бала Дəурен полиция болуды армандаған екен. Мектеп бітірген соң, Отан алдындағы борышын өтеу үшін əскерге аттанады. Əскерден кейін, 1996 жылы ішкі істер органдарына қызметке тұрады. Жол-патрульдік қызметінің милиционері, кезекші бөлімнің жедел кезекшісінің көмекшісі қызметтерін абыроймен атқарады. Б.Бейсенов атындағы Қарағанды жоғары мектебінің заңгер мамандығына сырттай түсіп, 2005 жылы аяқтап, офицер атанады. Содан бастап, яғни 2006 жылдан бері учаскелік полиция инспекторы қызметін адал атқарып келеді. Дəурен Қасымжанұлы облыстық ІІД жəне қалалық ІІБ басшылығы тарапынан бірнеше мəрте марапатқа ие болған, сондай-ақ мінсіз қызметі үшін II жəне III дəрежелі медальдармен марапатталды. Ішкі істер министрлігі тарапынан 2006 жылы «Үздік қызметі үшін» төсбелгісін иеленді.  Дəурен Қасымжанұлының өз ісіне адалдығы, көзсіз ерлігін дəлелдейтін деректер көп. Солардың бірі – қызыл жалын арасынан төрт бірдей баланы құтқарып, екінші өмір сыйлағаны. 

#100 есім

Пікір

comments powered by HyperComments

Ұқсас материалдар

Әріптестер